Skal idrettslaget vise VM-kampar? Sjekk reglane først!
Skrevet av: Advokatfullmektig Ole Kristian Evebø og advokat Kristine Celius
Noreg er for første gong på 28 år med i VM i fotball, og engasjementet langs heile vestlandet er stort.
Sogndal Fotball inviterer til gratis storskjermvisning av Noreg mot Frankrike på Fosshaugane fredag 26. juni. Rundt om i Sogn og Fjordane kan det tenkjast at fleire idrettslag og foreiningar planlegg liknande arrangement. Men før invitasjonane går ut og skjermane rullar opp, er det nokre juridiske spelereglar som er verdt å kjenne til.
To ulike rettshavarsituasjonar – NRK og TV 2
Det er to rettshavarar som sender VM-kampar i Noreg: NRK og TV 2. Kven som sender den aktuelle kampen er difor det første spørsmålet eit idrettslag bør stille seg – fordi dei to har heilt ulike reglar for offentleg visning.
NRK tillèt for VM 2026 at idrettslag, skular, foreiningar og andre ikkje-kommersielle aktørar viser deira kampar gratis og utan særskild avtale. Vilkåret er at arrangementet ikkje er kommersielt – det vil seie at det ikkje er tent pengar på det og at det ikkje er retta mot eit betalande publikum. Ein VM-kveld for bygda i klubbhuset, eit arrangement for born og unge i regi av eit idrettslag, eller ei dugnadsdrive samling – alt dette vil i dei fleste tilfelle falle inn under det NRK tillèt.
For TV 2 er situasjonen annleis. TV 2 har eigne og strengare reglar for offentleg visning. Det er ikkje slik at ein abonnements- eller lisensrett til å sjå TV 2 privat automatisk gjev rett til å vise sendingane for eit publikum – ikkje eingong om arrangementet er gratis og drive på dugnad. Dersom laget ønskjer å vise kampar på TV 2, bør de sjekke kva vilkår som gjeld og om det krevst særskilt avtale
To ulike rettshavarsituasjonar – NRK og TV 2
Det er to rettshavarar som sender VM-kampar i Noreg: NRK og TV 2. Kven som sender den aktuelle kampen er difor det første spørsmålet eit idrettslag bør stille seg – fordi dei to har heilt ulike reglar for offentleg visning.
Tidlegare advokat i Advokatfirmaet Tollefsen, og fotball-dommar , Jan Arild Rømmen (no pensjonert)
NRK tillèt for VM 2026 at idrettslag, skular, foreiningar og andre ikkje-kommersielle aktørar viser deira kampar gratis og utan særskild avtale. Vilkåret er at arrangementet ikkje er kommersielt – det vil seie at det ikkje er tent pengar på det og at det ikkje er retta mot eit betalande publikum. Ein VM-kveld for bygda i klubbhuset, eit arrangement for born og unge i regi av eit idrettslag, eller ei dugnadsdrive samling – alt dette vil i dei fleste tilfelle falle inn under det NRK tillèt.
For TV 2 er situasjonen annleis. TV 2 har eigne og strengare reglar for offentleg visning. Det er ikkje slik at ein abonnements- eller lisensrett til å sjå TV 2 privat automatisk gjev rett til å vise sendingane for eit publikum – ikkje eingong om arrangementet er gratis og drive på dugnad. Dersom laget ønskjer å vise kampar på TV 2, bør de sjekke kva vilkår som gjeld og om det krevst særskilt avtale.
Kva skil eit ikkje-kommersielt arrangement frå eit kommersielt?
Dette spørsmålet er ikkje alltid enkelt å svare på, og grensa kan vere skarpare enn ein trur. Følgjande moment vil typisk spele inn i vurderinga:
Tek de inngangspengar, eller er arrangementet gratis?
Sel de mat, drikke eller anna med forteneste som hovudmål?
Er arrangementet knytt til kommersielle sponsorar eller samarbeidspartnarar?
Kor mange personar deltek, og korleis vert arrangementet marknadsført?
Er dette primært eit medlemsarrangement, eller er det opent og retta mot allmenta?
Eit lite arrangement for medlemmer i eit bygdelag, utan inngangspengar og utan kommersielle koplingar, vil typisk falle på den sikre sida. Eit større ope arrangement med matsal, sponsorskilt og billettsal kan raskt få eit kommersielt preg – sjølv om laget sjølv reknar det som ein rein dugnadskveld.
Kva risikerer laget om noko går galt
Å vise ei sending utan nødvendige rettar kan få praktiske konsekvensar. Rettshavaren – det vil seie NRK, TV 2 eller deira representantar – kan krevje betaling i ettertid, fremje krav om erstatning, eller i ytterste konsekvens krevje at arrangementet vert stoppa. For dei fleste idrettslag i Sogn og Fjordane er slike konfliktar sjølvsagt ikkje ynskjeleg – og heldigvis er dei i dei aller fleste tilfelle enkle å unngå.
Det er alltid billegare å avklare spørsmålet på førehand enn å rydde opp etterpå.
Vårt råd til idrettslag og foreiningar i regionen
Planlegg de å samle folk til VM-kampar på storskjerm? Her er dei viktigaste stega:
Finn ut kven som sender kampen – NRK eller TV 2. Dette er det aller første de bør sjekke.
Er det ein NRK-kamp: les NRK sine vilkår for offentleg visning og kontroller at arrangementet dykkar ikkje har kommersielt preg.
Er det ein TV 2-kamp: undersøk kva rettar som krevst og om de treng ei særskild avtale.
Gjer dette før de sender ut invitasjonar og marknadsførar arrangementet – det er langt enklare å avklare på førehand enn å avlyse dagen før.
Til slutt, ein praktisk merknad: Noreg mot Frankrike 26. juni vert sendt på NRK. Det betyr at idrettslag og foreiningar som planlegg ein tilsvarande VM-kveld – utan kommersielt preg – i utgangspunktet er på trygg grunn etter NRKs reglar for denne kampen.
Advokatfirmaet Tollefsen AS har kontor i Sogndal, Førde og Florø, og bistår både selskap og privatpersonar i Sogn og Fjordane med alle slags juridiske spørsmål. Er du usikker på kva reglar som gjeld for ditt arrangement under VM, hjelper vi deg gjerne med ei rask vurdering.