Silje Flugheim Heggestad
Kontaktinformasjon
Tlf.: 916 44 035
E-post: silje@advokat-tollefsen.no
Silje Flugheim Heggestad er managing partnar i Advokatfirmaet Tollefsen. Ho har arbeidd i firmaet sidan 2015, først som advokatfullmektig og sidan som advokat. I tillegg til rolla som dagleg leiar sit ho i styret og har ansvar for den strategiske utviklinga av firmaet.
Silje arbeider særleg med arbeidsrett, selskapsrett, kontraktsrett og annan forretningsjuridisk rådgjeving. Ho bistår både arbeidsgivarar og arbeidstakarar i arbeidsrettslege spørsmål, og har brei erfaring med mellom anna omstillingsprosessar, oppseiingar, avskjedssaker, varslingssaker og konfliktløysing på arbeidsplassen. Ho bistår også i granskingar og andre saker som krev grundige faktaundersøkingar og juridiske vurderingar.
Ho leiar firmaet si faggruppe for konkurs og har sidan 2018 vore oppnemnd som bustyrar i konkursbu på oppdrag frå tingretten. Silje held også jamleg kurs innan styrearbeid, arbeidsrett og andre forretningsjuridiske tema.
Silje er advokat med løyve som eigedomsmeklar, og bistår med sal av næringseigedom, eigedomsoppgjer og andre eigedomsrelaterte oppdrag. Ho vert også jamleg oppnemnd som medhjelpar i tvangssalssaker for tingretten.
